Monday, May 30, 2011

pulang ke kampung :)

assalammualaikum 


potang tadi den balik kampong bolah abah den. kek jompol , bahau Nesmilan. tapi takdo lah lamo bona den balik sano. kojap yo. emang famili den tak ponah plak tido lamo2 kek sano. slalu eh balik arghi yo. kalau tido sano pon mesti ado hal. tak konughi kawen, meninggal. haa ! sobab musabab eh umah den takdo lah jauh mano. dokek yo. so , tak nak lah nyusah an uwan ngan mak lang den toh. uwan den dah tuo. tak berapo sihat dahh. tolingo pon dah kurang jolehh. toh kadang2 jadi bahan yo dongan cucu ehh. bukan den lah. den baik. haha


sobolom toh singgah kek ghompin. ado pasar malam. abah den boli apam balik. den lopeh an sangap den boli air tobu. osah sodap eh. last den boli kek batu ompek PD. dalam 5bulan yg lopeh. lamo tak lamo den monahan? haha sampai2 yo tadi donghang memang tongah dok bughak bukan main koncang laie. haha. sumo eh dok berbikini berkombann. panehh kato ehh. takpo lah kann. den dah biaso tengok an. haha Lantas uwan den kobar yang den dah bosaar + cantekk. torhaghu ghaso eh. tak ponah2 uwan den kobar camtu. torbaekk lah den kato an. osah handaa eh anak ghani nie. den baik ikot abah den balik kg. nak dibanding an dongan abg2 den , apo pon tak bulihh. haha


sambung bughak2 . cito bab kawen plak. uwan den awal2 dah warning. jangan caghik yang jaoh2 mcm kek sabah ko srawak ko. susah nanti. haha. den dah songhih2 dah. tapi mak lang den moncolah plak. dio kato kok org eh doktor apo salah eh. mmg den golak guling2 keliling kampung lah kan. (ok. itu tipu) osah jaoh bonar pomikirghan uwan den nie haa. den nak sambung blaja pon blom laie. cettt


haa nie ado lah sikit gambor dorg yg den sompekk snap sonyap2 tadi. den boghani lotak sobab uwan den takdo pessbukk/blog harap maklum. kalau uwan den dapek taw gamba eh ado memang korang lah den caghik dulu. 




wan den bolah kiri toh. sobolah eh mak lang den
yang dopan nie mak ndak den
tulah encik ghani korang :)


maap yo kok ado kosalahan tatabahaso Nesmilan toh. sobab eh , den nie tak beghapo ghoti naa. tapi den paham lah jugak dorang bughak pasal apo. tapi dulu tok chik ado bahan den. dio cakap den nie ontok yo bilo org berbughak. den sobonar eh taknak dianggap kughang aja bilo moncalah cakap org tuo nie. padahal tak paham. cett. skrg den dah paham ok. dah boleh ajak bughak. haha


p/s : sorry gambar tak berape jelas sbb pkai fon je poikk. sape yg tak paham toh padan muko! haha

No comments: